आरमोरी नगरपालिका निवडणुकीच्या पार्श्वभूमीवर येथील राजकीय समीकरणांमध्ये नव्या घडामोडी पाहायला मिळत आहेत. अद्यापही आरमोरीतील राजकीय चित्र पूर्णतः स्पष्ट झाले नसतानाच, आज तिसरी आघाडी निर्माण करण्याच्या दृष्टीने एक महत्त्वपूर्ण बैठक पार पडली.
या बैठकीत भारतीय कम्युनिस्ट पक्ष, आझाद समाज पक्ष, शिवसेना (उबाटा), मनसे, वंचित बहुजन आघाडी, प्रहार जनशक्ती पक्ष, मार्क्सवादी कम्युनिस्ट पक्ष, तसेच राष्ट्रवादी काँग्रेस पक्ष (शरद पवार गट) या पक्षांचे नेते आणि कार्यकर्ते मोठ्या संख्येने उपस्थित होते.
बैठकीत सहभागी बहुसंख्य कार्यकर्त्यांनी काँग्रेस आणि भाजप या पारंपरिक पक्षांपासून वेगळा तिसरा पर्याय उभा करावा, आणि एकत्रितपणे नगरपालिका निवडणूक लढवावी अशी ठाम भूमिका व्यक्त केली.
या चर्चेनंतर आरमोरीत तिसऱ्या आघाडीचा जन्म होण्याची दाट शक्यता निर्माण झाली असून, आगामी निवडणुकीत मतदारांसमोर एक पर्यायी राजकीय शक्ती उभी राहणार असल्याची चर्चा राजकीय वर्तुळात सुरू आहे.
