_
भामरागड तालुक्यातील मौजा *जारागुडा* या दुर्गम भागात स्नेहा धर्म धर्मार्थ दवाखाना, भामरागड यांच्या वतीने ग्रामीण आरोग्य जनजागृतीसाठी विशेष आरोग्य तपासणी शिबिर आयोजित करण्यात आले.
या शिबिरामध्ये गावातील महिला, पुरुष तसेच लहान मुलांची रक्त तपासणी व मलेरिया तपासणी करण्यात आली.
*जारागुडा* गावातील सर्व नागरिकांना त्रिवेणी संगम येथे बोलावून तपासणी करून देण्यात आली, ज्यामुळे नागरिकांना त्यांच्या आरोग्याविषयी आवश्यक माहिती मिळाली.
तपासणी दरम्यान *स्नेहा धर्म धर्मार्थ दवाखाना टीम* उपस्थित राहून नागरिकांना आरोग्यविषयक सल्ला, उपचार आणि आवश्यक औषधे उपलब्ध करून देण्यात आली.
या उपक्रमामुळे दुर्गम भागातील नागरिकांना आरोग्य तपासणीची सोय गावाच्या दारी मिळाल्याने नागरिकांनी आनंद व्यक्त केला.
आरोग्य सेवा ग्रामीण भागात पोहोचविण्याच्या हेतूने *स्नेहा धर्म धर्मार्थ* दवाखान्याचा हा उपक्रम विशेष कौतुकास पात्र ठरला आहे.
