बँक खाते होल्ड केल्याने बचत गटाचे आर्थिक व्यवहार ठप्प.
बचत गटाचे कारवाई करण्याची मागणी
अहेरी (गडचिरोली):–तालुक्यातील पेरमिली गावातील बचत गटाच्या महिलांनी बँक ऑफ महाराष्ट्र‌ाचे शाखा व्यवस्थापक व उमेद बचत गट संघ प्रभागाचे पदाधिकारी व क्लस्टर चे सीसी यांवर कारवाई करण्यासाठी अप्पर जिल्हाधिकारी यांना निवेदन देऊन योग्य कार्यवाहीची मागणी केली आहे.
पेरमिली परिसरात अनेक महिलांची बचत गटाची निर्मिती करण्यात आली. महिला गटाचे व्यवहार पण सुरळीत पणे सुरू आहे. परंतु पेरमिली येथील प्रभाग संघाचे पदाधिकारी व कलस्टर चे सिसी यांनी आपल्या पदाच गैरवापर करत बैंकेच्या व्यवस्थापकाला हाताशी धरून कोणतीही माहिती न देता महिला बचत गटाचे खाते होल्ड करायला लावले. यात काही महीला बचत गटाचे कर्ज पण नाही. तर काही चे बचत गटाचे कर्ज सुद्धा थकीत नाही. ज्यामुळे बचत गटाचे सर्व देवाण घेवाण व इतर व्यवहार ठप्प झाले आहेत. खाते होल्ड करण्याविषयी विचारणा केली असता कोणतेही उत्तर व्यवस्थापक कडून मिळत नसल्याने बचत गट अडचणीत आले आहेत.
यासंदर्भात चौकशी करून दोषींवर योग्य ती कारवाई करण्यात यावी असे निवेदन बचत गटातील महिलांतर्फे अप्पर जिल्हा अधिकारी यांना देण्यात आले आहे.
