चामोर्शी तालुक्यातील नरेंद्रपुर व पलसपुर कॅम्प नंबर ५२ येथे दीपावलीच्या शुभ पर्वावर श्री. श्री. कालीमाता सार्वजनिक पूजा उत्सव मंडळाच्या वतीने आयोजित माँ कालीपूजन, गोपालकाला व महाप्रसाद कार्यक्रमाचा भव्य आणि भक्तिमय सोहळा उत्साहात पार पडला.
या मंगल प्रसंगी माजी खासदार तथा भारतीय जनता पक्ष अनुसूचित जनजाती मोर्चा राष्ट्रीय महामंत्री डॉ. अशोकजी नेते यांनी उपस्थित राहून माँ कालीमातेची पूजा-अर्चा करून दर्शन घेतले. त्यांच्या उपस्थितीने संपूर्ण परिसर भक्तिभावाने उजळून निघाला.
या कार्यक्रमाच्या निमित्ताने नरेंद्रपुर व पलसपुर परिसरात भक्ति, सामाजिक ऐक्य आणि एकात्मतेचा दिव्य माहोल निर्माण झाला होता.
कार्यक्रमादरम्यान मोठ्या संख्येने भाविक, कार्यकर्ते व पदाधिकारी उपस्थित राहून “जय माँ काली!”च्या घोषणांनी वातावरण दुमदुमून गेले.
नरेंद्रपुर येथील कार्यक्रमात प्रमुख उपस्थिती: निखिल बंगाली समाज आघाडी प्रदेश उपाध्यक्ष तथा जेष्ठ नेते दिपक हलदार, जेष्ठ नेते मनमोहन बंडावार, भाजपा महिला मोर्चा तालुका अध्यक्षा अनिता रॉय, घोट मंडळाचे तालुका अध्यक्ष राकेश सरकार, सरपंच कृष्ण मंडल, निरंजन बासल, रुपा शहा, सिंगर शयाम सरकार, कीशोर कुंडू, सोपल दादा, विरेंद्र जी, अरुण ढाली, रमेश बैरागी, दुलाल मंडल, परशुराम सिडाम आदी मान्यवर उपस्थित होते.
विशेष उल्लेखनीय म्हणजे, नुकत्याच एस.आर.पी. भरती प्रक्रियेत निवड झालेल्या रामप्रसाद दास यांचा मा.खा.डॉ. नेते यांच्या हस्ते व उपस्थितीत मान्यवरांच्या हस्ते सत्कार करण्यात आला.
पलसपुर येथील कार्यक्रमात उपस्थित मान्यवर: जेष्ठ नेते मनमोहन बंडावार, मानवाधिकार संघटनेचे जिल्हाध्यक्ष रमेश अधिकारी, भाजपा तालुका महामंत्री पलास घरामी, तारक दादा, प्रताप मिधा, रंजित घरामी, रमेन हलदार, प्रकाश मंडल, संतोष मंडल, रमेन घरामी, परेश मंडल यांच्यासह अनेक कार्यकर्त्यांची उपस्थिती उत्सवाचे वैशिष्ट्य ठरली.
मा.खा.डॉ. अशोकजी नेते या प्रसंगी बोलताना म्हणाले “माझ्या दहा वर्षांच्या कार्यकाळात जनतेच्या विकासासाठी असंख्य कामे केली आहेत. अनेक दिवसांनी महाकाली पूजन निमित्ताने आपल्या गावात येण्याचा सन्मान मिळाला, हे माझे सौभाग्य आहे. आपल्या गावाच्या अडचणी व गरजा समजून घेऊन त्या सोडविण्यासाठी मी निश्‍चित प्रयत्नशील राहीन. आज महाप्रसाद वितरण माझ्या हस्ते झाला, याचा मला अपार आनंद आहे. लोकसभेत दिलेल्या सहकार्याबद्दल मी सर्वांचे मनःपूर्वक आभार मानतो.”
त्यांच्या या शब्दांनी उपस्थित नागरिकांमध्ये नवचैतन्य व आत्मीयतेची भावना निर्माण झाली.
भक्तिभाव, सामाजिक एकता आणि राजकीय सजगतेचा संगम
नरेंद्रपुर व पलसपुर कॅम्प येथे पार पडलेला हा माँ कालीपूजन उत्सव हा केवळ धार्मिक कार्यक्रम नव्हता, तर भक्तिभाव, सामाजिक एकता आणि राजकीय सजगतेचा सुंदर संगम ठरला.
भक्तांच्या मनात या उत्सवाची अविस्मरणीय छाप उमटवून माँ कालीमातेच्या जयघोषात कार्यक्रमाचा समारोप झाला.
जय माँ काली! — श्रद्धा, शक्ती आणि समर्पणाचा उत्सव!
