गडचिरोली नगरीत भक्तीभावाने आयोजित श्री साई पादुका दर्शन सोहळ्याच्या पवित्र प्रसंगी माजी खासदार तथा भारतीय जनता पार्टी अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी साईबाबांच्या चरणी विनम्र दर्शन घेतले.
या मंगल आणि आध्यात्मिक सोहळ्यात आगमन झालेल्या सर्व साईभक्तांचे माजी खासदार डॉ. नेते यांनी मनःपूर्वक स्वागत करून साईचरणी कोटी प्रणाम केले. सद्गुरु श्री साईनाथ महाराज यांच्या कृपाशिर्वादाने प्रत्येक भक्ताच्या जीवनात सुख, समाधान आणि मंगलमयतेचा प्रकाश नांदो, अशी भक्तिभावाने त्यांनी साईचरणी प्रार्थना केली.
या प्रसंगी ब्रम्हपुरी विधानसभा क्षेत्राचे आमदार तथा माजी मंत्री मा. विजयभाऊ वडेट्टीवार यांनी या पादुका दर्शन सोहळ्यात सहभागी होऊन मा.खा.डॉ. अशोकजी नेते यांचा शाल, श्रीफळ, साईबाबांचे पुस्तक व पुष्पगुच्छ देऊन सत्कार केला. त्यांच्या या भेटीने सोहळ्यातील भक्तीमय वातावरण अधिक उत्साही आणि भावस्पर्शी झाले.
या पवित्र सोहळ्यावेळी माजी जिल्हाध्यक्ष प्रशांत वाघरे, अ‍ॅड. राम मेश्राम, लिलाधर भरडकर, सतिश विधाते,रवी चन्नावार, प्रशात पा.चिटनुरवार,रजनीकांत मोटघरे,रुषिकेश बारापात्रे, तसेच साई संस्थानचे पदाधिकारी व मोठ्या संख्येने साईभक्त उपस्थित होते. सर्वांनी एकत्र येऊन सद्गुरुंच्या चरणी श्रद्धा, भक्ती आणि मानवतेचा संदेश दृढ करण्याचा संकल्प व्यक्त केला.
“साई कृपाशिर्वादाने प्रत्येकाच्या आयुष्यात सद्भाव, शांतता आणि समाधान नांदो,” अशीच भावना या सोहळ्यातून उमटली.
